Awargi pay hum nay bohat din guzar kiya
jab thak gai tu phir issi sehra ko ghar kiya

thi ik zindagi kay barabar woh aik raat
uss raat ko basar kiya aur ta sehar kiya

hum pay tha ik ishq ka saya keh saari umar
apni he roshni mein kiya jo safar kiya

tum loag woh keh choor gai karbala kay beech
hum loag woh ke jin nay tumhein mo'atbar kiya

kuch kam nahi tha pehlay bhi pamaal mera shehar
yeh kis kay paoon nay issay pamaal kiya

kaisee hawa mein nikla tha yeah karwaan e gul
akhir khizaan kay haath laga rukh jidhar kiya