* تم ایسی محبت مت کرنا *
تم ایسی محبت مت کرنا
میرے خوابوں میں چہرہ دیکھو
اور میری قائل ہو جاؤ
تم ایسی محبّت مت کرنا
میرے لفظوں میں وہ بات سُنو
جو بات لہو کی چاہت ہو
پھر اُس چاہت میں کھو جاؤ
تم ایسی محبت مت کرنا
یہ لفظ میرے یہ خواب میرے
ہر چند یہ جسم و جاں ٹھہرے
پر ایسے جسم و جاں تو نہیں
جو اور کسی کے پاس نہ ہوں
پھر یہ بھی ممکن ہے، سوچو
یہ لفظ میرے، یہ خواب میرے
سب جُھوٹے ہوں
تم ایسی محبت مت کرنا
گر کرو محبت تو ایسی
جس طرح کوئی سچّائی کی رَو
ہر جُھوٹ کو سچ کر جاتی ہے
|