Shanakht chahiye kuchch kaam baaghyana karoo'n
Yeh jo sotoon hai'n unche unhe'n nishana karoo'n

Tanabe'n dhoop ne har raaste pe kas di hai'n
Kaha'n  se chhao'n talashoo'n jo shamiyana karoo'n

Ghareeb shahar to rahta hai mujh me'n har lamha
Ameer-e-shahar se kis tarah dostana karoo'n

Mujhe pahunchna hai ek din faraz mani par
Gire parhe huye lafzo'n se dostana karoo'n

Mile sakoon jaha'n bhi thahar ke dam loo'n
Jaha'n likha hua moqaddar me'n aab-o-dana karoo'n

Chiragh bujh gaya pichhli sadi ka to ai "Rind"
Nayee sadi ke ujalo'n se dostana karoo'n

			R-16 Setor-Xl,
			Noida-201301 (U.P)