|
* Misl-e- sheesha bikhar gaya kaise, *
Misl-e- sheesha bikhar gaya kaise,
Chand dariya me’n gir gaya kaise,
Kaun dushman hai un darakhto’n ka,
Sara jangal ujarh gaya kaise,
Jis ko bahna tha un zameeno’n par,
Woh samandar se ja mila kaise,
Mujh se poochho na us kharabe me’n,
Kaisi guzri hai mai’n jiya kaise,
Jo bhi kahna tha woh kaha khud se,
Us ko ghairo’n ne sun liya kaise,
Us pe haira’n hoo’n in dino’n “Fikri”,
Jo na hona thaa woh hua kaise.
Paras Toli, Doranda, Ranchi
Pin-834002 (Jharkhand)
|
|