* Insaan ke bakhiye to gaye saare udhar se *
Insaan ke bakhiye to gaye saare udhar se
Duniya meri badtar hui bhooto'n ke khandar se
Lagta hai ke qad barh gaya par qad nahi'n barhta
Ab ke bhi to malboos gaye dhal ke sukarh se
Nafrat hai mujhe jang se phir jang na chhir jaaye
Cho'nk uthti hoo'n bartan bhi jo takrate hai'n kharh se
Patthar na bana de mujhe mausam ki yeh sakhti
Mar jaye'n mere khawab na tabeer ke dar se
Lagta hai ke insaan ka dil hai na zameer ab
Mai'n kaise karoo'n ishq faqat chehre se dharh se
"Pinha" ye zami'n sakht, ghazal phir bhi mulayam
Patthar se jawab eint ka deti nahi'n tarh se
1752, Alpine Dr. Carrolton
TX75007 (U.S.A)
|