neend me chamak jaayeN, hum hunooz raatoN meiN
thoDi der to hum ko ... ... rakh lo tum panaahoN meiN

hum liye shigaaf e dil, kho gaye aNdheroN meiN
jashn wo manaate haiN, ... zarb ka ujaaloN meiN

eitiraaz ... kya karna ..., ... dil - nawaaz jo Thehre
jab mazaaq ka mauzu, ban gaye ho yaaroN meiN

ehtisaab... karna hai, ... karni hai ravish achhi
zindagi nikaale kyuN, apni hum gunaahoN meiN

kab talak jiyeNge hum, leke yeh dil e muztar
hausla nahiN hotaa, jeene ka azaaboN meiN

the nawaab wo jab tak ..., ... muntazir the darbaari
waqt ne li hai karwaT, khud wo haiN qataaroN meiN

zindagi mili hai jab, jaise jeeni hai jee lo
ya jiyo use aise, darj ho kitaaboN meiN

raaste haqeeqat me ..., do hi haiN muhabbat ke
uljhaneN muhabbat ki, hotiN haiN fasaanoN meiN

naaz mat karo hum par; is ki kya haqeeqat hai
ho sake to kiya karna, yaad tum du'aaoN meiN

sab shikam liye khaali, Dat gaye maheeno tak
pukhtagi nahiN milti, ... waisi ab iraadoN meiN

kho gayi chamak saari, muntazir ye aaNkhoN ki
roshni mile kaise, khaali ...ye chiraaghoN meiN

pur-sukoon ... guzregi ... , ... zindagi phir apni bhi
taazgi muhabbat meiN, khush-dilii ho yaaroN meiN

dhoop ... tapte sehra ki, chhoDkar ... hai ... jaanaa ghar
phool phir umeedoN ke, khil gaye haiN khwaaboN meiN

ik ... sukoot e tanhaai ... , ye ... Daraavni ... raateiN...
kyuN machaate ho halchal, aake tum khayaaloN meiN

ho sake badal-Daalo ... , ... vaadi e takhayyul ko
bas raho haqeeqat me, mat paDo vabaaloN meiN

kaise haiN bani - adam, ... paayeN istiqaamat kab
hum ulajh hi jaate haiN, har qadam gunaahoN meiN

jo watan ki ulfat me, ... jaan se gaye Farhat!
zikr tak nahiN milta, unka ab nisaaboN meiN

- Mohammed Farhathullah Khan 'Farhat'
۸۸۸۸۸۸۸۸۸۸