سلطان سکون کی ایک پہیلی ،،،،، عورت
ایک لطف و کرم کا دریا ہے ،،،،، ایک صبرو رضا کا پیکر ہے
اور کتنی ہیں خوبیاں اس میں ،،،،، ایک ممتا جو سب سے برتر ہے
ایک عورت میں دونوں جوہر ہیں ،،،،،، با وفا بھی ہے بے وفا بھی ہے
سر بلندی پہ ہے وفا اس کی ،،،،،، بے وفائی کی انتہا بھی ہے ِِ ِِِ
ایک عورت ہی گھر کی رونق ہے ،،،،،، نیک عورت ہی گھر کی جنت ہے
جس بھی گھر میں نہ ہو وجود اس کا ،،،،،، گھر نہیں وہ فقط عمارت ہے
ایک ماں ہے بہن ہے بیٹی ہے ،،،،، ایک بیوی ہے ایک سہیلی ہے
بُوجھ سکتا نہیں کوئی جس کو ،،،،، ایک عورت ہی وہ پہیلی ہے
کتنا خوش بخت ہے جسے حاصل ،،،،، نیک عورت کا ساتھ ہوتا ہے
سچ ہے مردوں کی کامیابی میں ،،،، ایک عورت کا ہوتھ ہوتا ہے
ایک ماڈل ہے اِک اداکارہ ،،،،، ایک ہے نرس ایک آیا ہے
بن گئی ہے بڑے خلوص کے ساتھ ،،،،،مرد نے جو اسے بنایا ہے
سلطان سکون ،،،، ایبٹ آباد
******************************