* Aj kya dekha Khalaon ke sunehare Khwab may *
Aj kya dekha Khalaon ke sunehare Khwab may
Regzaron ke siwa kuch bhi nahi mahtab may
Jab se pahana hai naye mausam ne zakhmon ka libas
Phul se khilane lage hain dida e Khunab may
Nisfshab ko nind may chalata hua paikar koi
Naqsh e pa kyon chor jata hai dayar e Khwab may
Wo to Khud apane tajassus may bhatak kar rah gaye
Tazakara tha jin ki azamat ka bahut ehabab may
Cherata hai saz e shab ko yun samandar ka sukut
Dub jati hai faza sangit ke sailab may
|