donateplease
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Qalandar Bakhsh Jurat
 
Share to Aalmi Urdu Ghar
* ab khaaak to kiya hai dil ko jala jala kar *

ab khaaak to kiya hai dil ko jala jala kar

karte ho itni baate.n kyu.n tum bana bana kar

aashiq ke ghar ki tum ne buniyaad ko biThaya

ghairo.n ko pas apne har dam biTha biTha kar

ye bhi koi sitam hai ye bhi koi karam hai

ghairo.n pe lutf karna hum ko dikha dikha kar

ai but na mujh ko hargiz kooche se ab uThana

aaya hoo.n ya.n talak mai.n zalim Khuda Khuda kar

deta hu.n mai.n idhar ji apna taDap taDap kar

dekhe hai wo udhar ko aankhe.n chura chura kar

koi aashna nahi.n hai aisa ki ba-wafa ho

kahte ho tum ye baate.n hum ko suna suna kar

jalta tha siina mera ai shama tis pe tu ne

duni lagai aatish aansu baha baha kar

ek hi nigah kar kar siine se le gaya wo

har-chand dil ko rakkha hum ne chhupa chhupa kar

jurat ne aakhir apne ji ko bhi ab ganwaya

in be-murawwato.n se dil ko laga laga kar

*********************

 

 
Comments


Login

You are Visitor Number : 105