Aa gaya dil kissipe aana tha
Aapka husn ik bahana tha 

Iptada-e-shabab bhi kya thi
Chand taaron me aashiyana tha 
 
Tinke tinke se mil ke roye hum
Jaisa har tinka aashiyana tha 
 
Ab to hai kunj kafas se badhtar
Aap rahte to aashiyana tha 

Barq ka shukriya ada kar loon
Kitna be-noor aashiyana tha 
 
Maine ghutkar kafas me dam todaa
Saamne mera aashiyana tha 

Barq ko aasmaan se aana pada
Ek chhotasa aashiyana tha 
 
Chand ghadiyaan kuch aisi bhi guzreen
Na kafas tha na aashiyana tha