Husn kab ishq ka mamnoon_e wafa hota hay
laakh parwana mary shama pe kiya hota hay

shugh'l_w sayyad yehi subhu shaam hota hay
qaid hota hay koi, koi riha hota hay

jab pata chalta hay khushbo ki wafa daari ka
phool jis waqt gulistaa.n sey juda hota hay

zabt karta hoon tu ghut'ta hay qafas main mera dam
aah karta hoon tu sayyad khafa hota hay

chandni dekh k yaad aatey hain kiya kiya wo mujhey
chand jab shab ko Qamar jalwa numa hota hay