kahate hai.n mujhase ishq kaa afasaanaa chaahiye 
rusavaaii ho gaii tumhe.n sharmaanaa chaahiye 

Khuddar itanii fitarat-e-rindaa.N naa chaahiye 
saaqii ye Khud kahe tujhe paimaanaa chaahiye 

aashiq baGair husn-o-javaanii fizuul hai 
jab shammaa jal rahii hai to paravaanaa chaahiye 

aankho.n me.n dam rukaa hai kis ke liye zaruur 
varnaa mariize hijr ko mar jaanaa chahiye 

vaada thaa unake raat ke aane kaa ae "Qamar" 
ab chaa.Nd chhup gayaa u.nhe.n aa jaana chaahiye