Khatm shab-e-qissaa-e-muKhtasir na hu_ii ,
shamaa gul ho ga_ii sahar na hu_ii,
ro_ii shabanam jalaa jo ghar meraa ,
phuul ke kam ha.Nsii magar na hu_ii,
hashr me.n bhii vo kyaa mile.nge mujhe ,
jab mulaaqaat umr bhar na hu_ii,
aa_iinaa dekh kar ye kiijiye shukr ,
aap ko aap kii nazar na hu_ii,
sab the mahafil me.n un kii mahv-e-jamaal ,
ek ko ek kii Khabar na hu_ii,
sai.Nka.Do.n raat ke kiye vaade ,
un kii raat aaj tak "Qamar" na hu_ii.
9