|
* Pyas wo dil ki bujhane kabhi aaya bhi nahi, *
Pyas wo dil ki bujhane kabhi aaya bhi nahi,
kaisa badal hai jiska koi saya bhi nahi,
Berukhi is se barhi aur bhala kya hogi,
ek muddat se hamay us ne sataya bhi nahi,
Roz aata hai dar e dil pe wo dastak dene,
aaj tak hamne jise paas bulaya bhi nahi,
Sun liya kaise khuda jane zamane bhar ne,
wo fasana jo kabhi hamne sunaya bhi nahi,
Tum to shayar ho `qateel` aur wo ik aam sa shakhs,
us ne chaha bhi tujhe aur jataya bhi nahi. |
|