Wafa ke sheesh mahal mai'n saja liya mai'n ne, 
Wo ek dil jise patthar bana liya mai'n ne,

Yeh sonch kar ki na ho taak mai'n Khushee koi, 
Ghamo'n ki oT mai'n Khud ko chhupa liya mai'n ne,

Kabhee na Khatm kiya mai'n ne roshani ka muhaz, 
Agar cheeraGh bujha, dil jala liya mai'n ne,

Kamal yeh hai ki jo dushman pe chalana tha, 
Wo tir apne kaleje pe kha liya mai'n ne,

`Qateel` jiski adawat mai'n ek pyar bhee tha, 
Us aadmi ko gale se laga liya mai'n ne.