Yu'n chup rahna Theek nahee'n koi miThee baat karo,
Mor chakor papiha koyal sab ko maat karo,

Savan to man bagiya se bin barse biit gaya, 
Ras mai'n Dube naGhme ki ab tum barsat karo,

Hijr ki ik lambi manzil ko janevala hu'n,
Apni yado'n ke kuchh saye mere sath karo,

Mai'n kirano'n ki kaliya'n chunkar sej bana lunga,
Tum mukhrhe ka chaand jalao raushan raat karo,

Pyar buri shay nahee'n hai lekin phir bhee yar "Qateel" 
Gali-gali taqsim na tum apne jazbat karo.