Namaa-bar apna hawaaoN ko banaane wale
Ab na aayeNge plat  kar kabhi jaane wale
Kya milega tujhe bikhre hue khaaboN ke siwa
Ret par chaaNd ki tasveer banaane wale
Sabne pehna tha baRe shouq se kaghaz ka libas
Jis qadar log the barish mein nahaane wale
Mar gaye hum to ye katbay pe likha jaayega
So gaye aap  zamaane ko jagaane wale
Dar O deewar pe hasrat si barasti hai ‘Qateel’
Jaane kis des gaye pyaar nibhaane wale
***