Yo’n lage dost teraa mujhase Khafaa ho jaanaa 
jis tarah phool se Khushbuu kaa judaa ho jaanaa

ahal-e-dil se ye teraa tark-e-ta'alluq 
vaqt se pahale asiiron kaa rihaa ho jaanaa

yon agar ho to jahaan men koii kaafir na rahe 
mo'ajuzaa tere vaade kaa vafaa ho jaanaa

zindagii main bhii chaluungaa tere piichhe-piichhe
tuu mere dost kaa naqsh-e-kaf-e-paa ho jaanaa

jaane vo kaun sii kaifiyat-e-GhamKhvaarii hai 
mere piite hii "Qateel" us ko nashaa ho jaanaa