MERI KAHANI SHAYAD AIK AISAY MARAY HUAY AADMI KI HAI JISAY PATA CHAL GIA HAI K MOUT AUR ZINDGI KIA HAI. SO AB MEIN SACH BOLTA HUN JHOOT SE NAFRAT KARTA HUN, ZAALMON KO ZALIM AUR MAZLOUM KO MAZLOUM KEHTA HUN AUR SAB K MUNH PAR KEHTA HUN. MEIN AIK MOUT ZADAH AADMI HUN. AB MUJHAY MOUT DRA NAHIN SAKTI. LOAG KAISAY DRA SAKTE HAIN AUR MARAY HUAY AADMI SE ZIADAH BAHADAR KOUN HO SAKTA HAI. MEIN AB NAFRAT SE NAFRAT AUR MUHABBAT SE MUHABBAT KARTA HUN. MEIN JHOOT SE LARNA AUR SACH SE PYAR KARNA CHAHTA HUN. MUJHAY LAACHAR AUR BESAHARA AUR GHAMZADAH LOGON KI KARAHAIN AUR CHEEKAIN APNAY ANDER SE SUNAI DETI HAIN. AB MEIN NE TANZIA HANSI WALI MUHABBAT KO KAAT KAR KAHIN PHAINK DIA HAI AUR MEIN DUNYA BHAR K INSAANON SE MUHABBAT K SAFAR PAR RAWANA HUN. ABHI MEIN AKAILA HUN. MUJHAY YAQEEN HAI. AIK DIN AADHI DUNYA MERAY SAATH HO GI. CHAHAY MEIN MANON MATTI TALAY KAHIN DAFN HI KYON NA HUA HUN!!!--------------