کھڑے ھُوئے ھیں مگر ، رائگاں کھڑے ھُوئے ھیں
اُٹھا کے سر پہ جو ھم آسماں، کھڑے ھُوئے ھیں
 
 
زمین اُلٹ دے گا کوئی شہابِ آوارہ
ھمیں خبرھے کہ ھم بے اَماں کھڑے ھُوئے ھیں
 
 
کہو اب ان سے چلیں، اور اپنے گھر جائیں
درخت لوگ, جو کب سے یہاں کھڑے ھُوئے ھیں
 
 
تو یہ ستون ھمیں سجدہ کر رھے ھونگے
جو ھم گِرے ھُووں کے درمیاں کھڑے ھُوئے ھیں
 
 
ھماری لاشوں سے گُزرو گے کہہ دیا ھے تُمھیں
نہیں ھٹیں گے وھاں سے جہاں کھڑے ھُوئے ھیں
 
 
ضرور جائیں گے اک روز اُن سے ملنے ھم
ھمارے واسطے جو رفتگاں کھڑے ھُوئے ھیں
 
 
تُمھاری راہ میں بیٹھے تھے اور نیند میں تھے
کُھلی ھے آنکھ تو اب ناگہاں کھڑے ھُوئے ھیں
 
 
 گُلِ ثبوت تُمھآرے لئے ھی لایا ھُوں
وگرنہ در پہ کئی مہرباں کھڑے ھُوئے ھیں
 
 بچا کے دامنِ دانش گُزر چلو کہ رضآ
یہ واعظاں نہیں یہ مہتراں کھڑے ھُوئے ھیں
******