* یہاں خوش نہیں تھے وھاں خوش رھو *
یہاں خوش نہیں تھے وھاں خوش رھو
چلو خوش رھو تُم جہاں خوش رھو
کلیجہ مرا مُنہ کو آتا ھے گر
کہوں تُم سے اے رفتگاں خوش رھو
گُہر کا ٹھکانہ صدف ھی تو ھے
عیاں خوش نہیں تھے، نہاں خوش رھو
جُدائی کا تیر اس میں رکھا ھی کیوں
اور اب کھینچ کر یہ کماں خٔوش رھو
سُنا ھے چمکنے گئے ھو وھاں
تو چمکو !سرِ آسماں ،خوش رھو
نہیں ھوتا ھم سے کوئی فیصلہ
کہاں غم کرو اور کہاں خوش رھو
ابھی ھنستے ھنستے رضآ رو پڑا
سبھی کہہ رھے تھے میاں خوش رھو
****** |