* تُمھاری سیپ کی پوروں بھری یہ اُنگ *
تُمھاری سیپ کی پوروں بھری یہ اُنگلیاں
جب سے درِ دل پر،
اچانک دستکیں دینے لگی ھیں
بہت ھی مُضطرب ھُوں!۔۔
مَیں تُمھارے پاوں پلکوں پر دھروں گا
تُمھاری صندلی بانہیں مِلا دُوں گا
سمندر سے گلے مِلتے ھُوئے
اس سُرمئی منظر کی بانہوں سے
یہ بانہیں جو بُلاتی ھیں
کسی نادیدہ منظر کی طرف
دیکھو!
بہت ھی مضطرب ھُوں
کس طرح سے پڑھ سکوں گا
سُورہءِ ربِ جمیل
اَن پڑھ ھُوں مَیں!۔۔
جو ھوسکے پڑھنا سکھا دو
جو تُمھاری آنکھیں لکھتی جا رھی ھیں۔
اُس خلا میں جو
تُمھارے اور میرے درمیاں حائل ھے
بھرتا جا رھا ھے جو
تُمھاری نُقرئی آواز سے!۔۔۔
تُمھاری نقرئی آواز کی
لہروں کے زیرو بم
سمجھنے کی تگ و دو میں
نجانے کتنے دن لگ جائیں
دیکھو!۔
اب۔
مری مٹی پر
اپنے لمس کا پہلا صحیفہ تو اُتارو!۔۔۔۔
کہ یہ وحشی بہت ھی مُضطرب ھے!۔۔۔۔۔۔
******* |