* پڑھتا رھا فلک پہ بچھا کے مَیں جا نم *
پڑھتا رھا فلک پہ بچھا کے مَیں جا نماز۔
ھوتی رھی زمین پہ میری قضا نماز
سایہ مرا طویل تھا وقتِ نمازِ عصر
خود پر جُھکا تو ٹھیک سے پڑھنے لگا نماز
یہ تو حضور میری امامت پہ طعن ھے
دھمکی وُہ دے رھا ھے کہ" اب تُو پڑھا نماز"۔۔
جلنے لگا ھُوں اپنے ھی شُعلوں کی آگ میں
پڑھنے لگا ُھوں جب سے سرِ آئینہ نماز
ٹوٹے پروں سے تھام کے اللہ کی کتاب
کرنے لگا ھے زخمی پرندہ ۔۔۔۔ ادا نماز
اتنے نمازیوں میں کسی کو خبر نہیں
کافر بھی پڑھ رھا ھے اکیلا کھڑآ نماز
اے حبسِ واعظانِ حَرَم، سچ اگر کہوں
تیری گُھٹن نماز ھے ، میری ھَوا نماز
****** |