* بدن کا شائبہ تلک نہیں تھا *
بدن کا شائبہ تلک نہیں تھا
اُس مہَک کے آر پار
جو مرے مشامِ جاں میں آبسی تھی
دُور کے قدیم عہد سے
مِلانے والی شاھراہِ روشنی
پہ چلتے چلتے تھک گئی تھی
آ لگی
تھی پھر
مرے دل و دماغ و جسم و رُوح سے
قدیم عہد کی مَہَک
زمین و آسمان کی ملاوٹوں سے پاک تھی
سو پاک ھی رھی۔۔۔۔۔۔۔۔۔۔۔۔۔۔۔۔۔۔
مَیں مُشکبُور تھا۔۔۔۔۔۔
پھر ایک روز بزمِ دوستاں میں
اک طرف سے ناگہاں
وُھی مَہَک
بڑے ھی ناز سے اُٹھی
مرے قریب آ کے ھنس پڑی
مرا تو سانس رُک گیا!۔۔۔۔۔
مَہَک کا جسم
پہلی بار دیکھنا
عجیب تھا۔۔۔۔۔
تُمھارے آر پار
دیکھنا عجیب تھا!!۔۔۔۔۔
******* |