پروانہ کیوں شُمار نہیں کر رھی ھے آگ
کیا مُجھ سے اُتنا پیار نہیں کر رھی ھے آگ
محسوس کر رھا ھُوں بدن میں بڑی تپش
سرحد اگرچہ پار نہیں کر رھی ھے آگ
مَیں جلنا چاھتا ھُوں جلاتی نہیں مُجھے
شُعلے سے پُورا وَار نہیں کر رھی ھے آگ
پہلے بھی راکھ اس نے کیا تھا مرا وجود
لگتا ھے پہلی بار نہیں کر رھی ھے آگ
پہنچا تو دیکھتے ھی بھڑک کر گلے مِلی
ڈرتا تھا انتظار نہیں کر رھی ھے آگ
یہ جو مُخالفت ھے یہ ھمدرد ھے مری
کیا مُجھ کو تیز دھار نہیں کر رھی ھے آگ
گُھل مِل گئی ھے رُوح سے جیسے ھو آشنا
کیوں جسم اختیار نہیں کر رھی ھے آگ
اے دل اُسے بتا کہ بُجھے گی کبھی نہ وُہ
میرا تو اعتبار نہیں کر رھی ھے آگ
******