ھُوں گُنہگار ، پر اتنا بھی گُنہگار نہیں
شُکر اللہ کا مَیں صآحبِ دستار نہیں
۔۔۔
۔۔
جو تُمھیں پھینکتا ھے اتنا سمجھ دار نہیں
پتھرو! دیکھ لو مَیں شاخِ ثمر دار نہیں
۔۔۔
۔۔
خطہءِ خاک بھی چلتا ھُوا بازار نہیں
عشق کی خیر ھو، کوئی بھی خریدار نہیں
۔۔۔
۔۔
۔۔"حیرتی آگ" کہاں راکھ سے نکلے گی میاں 
راکھ "موجود" ھے لیکن مُجھے درکار نہیں
۔۔
۔۔
خوف کے سامنے کوتاہ نظر آتا ھُوں
یہ وُہ دیوار ھے جس کا کوئی معمار نہیں
۔۔۔
۔۔
خواب کی خستہ مُنْڈیروں سے پھسل جاتا ھُوں
اور ھر بار یہ کہتا ھُوں کہ اس بار نہیں
۔۔
ورنہ ڈَھا ۔۔ دُوں گا اگر آُپ نہیں ڈَھے جاتا
تودہءِ خاک مری راہ کی دیوار نہیں
۔۔۔
۔۔
اب کوئی موجِ قیامت ھی اُٹھا لے جائے
ورنہ اُٹھنے کو تو کوئی یہاں تیار نہیں
۔۔
۔۔
کیا پرندوں نے بس اک رات میں دم توڑ دیا
ایسا لگتا ھے کہیں  صُبح کے آثار نہیں
۔۔
۔۔۔۔
بونے ۔۔۔قامت پہ جھگڑتے ھُوئے دیکھے ھیں رضآ
محفلِ شعر و سُخن کا کوئی معیار نہیں
*****