(۱)
 
 
یہ سن کر ۔۔
 کھنکھناتی چابیوں کا ایک گچھا ۔
۔ اپنی بغلی جیب سے اس نے نکالا
 
۔۔اور کہا
دیکھو مرے ھاتھوں
میں دیکھو
 یہ
جو نیلے دھڑ کی چابی ھے
اسے مَیں اک
طلسمی چابی کہتا ھُوں
یہ تالے کھول سکتی ھے
 ’’
وُہ تالے جو دلوں پر لگ گئے ھوں
اور یہ
دیکھو
یہ میری آتشیں چابی
جو ھر قُفلِ نظر کو کھول لیتی ھے
کہ پگھلانے کے فن میں اتنی یکتا ھے
کہ خود کو گھول لیتی ھے
کسی خوشبو کے پیکر میں
 ادھر یہ زرد چابی ھے
فراق و ھجر کی
کُنجی ھے یہ۔۔۔۔
لپٹ جاتی ھے
رنگِ سبز سے بڑھ کر
 
یہ کالے رنگ کی چابی
تو سارے رنگ خود میں کھینچ لیتی ھے
ستاروں جیسے آنکھیں
اس میں کھو جاتی ھیں
پھر ملتی نہیں دُنیا کے نقشے میں
 
مہکتی سُرخ
چابی تو حسینوں کی نگاھوں میں معزز تھی
معزز ھے
دھنک کے
سات رنگوں سے مزین
چابیاں
 
 کیسے نہ کھولیں گی کوئی تالہ
 
تُمھارے دل
کا آنگن
دسترس میں ھے مری جاں
اتنا
اِترانا نہیں اچھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 
(۲)
 
 
تُمھارے دل کے آنگن پر پڑا تالہ
ابھی کھولا
تو پلکیں تک
جھپکنا بُھول بیٹھا ھُوں
 
ارے تُم نے
تو اتنی کائناتیں
اپنے دل میں قید کر لی ھیں
مرے اس کھنکھناتی چابیوں کے
 رنگیں گُچھے میں
کُلیدِ وصل  روشن ھے
اسے روشن ھی رھنے دو
جو دھارا بہہ رھا ھے
اس کو بہنے دو
******