* فلاں جگہ پہ رھوں اور فلاں سے ھٹ جاو *
فلاں جگہ پہ رھوں اور فلاں سے ھٹ جاوں
تُو کون ھے جو کہے مَیں کہاں سے ھٹ جاوں
ٹِکا ھُوا ھے میاں ! آسماں مرے سر پر
اگر کہو تو ابھی درمیاں سے ھٹ جاوں
مرے خیال سے باھر جگہ نکال کوئی
مَیں اُس طرف کو چلوں اور یہاں سے ھٹ جاوں
پھر اُس خلا میں کوئی کس قدر سمائے گا
جہاں کھڑا ھُوں اگر مَیں وھاں سے ھٹ جاوں
یقین و عقل مُجھے لَوٹنے نہیں دیں گے۔۔
زیادہ دُور نہ وھم و گُماں سے ھٹ جاوں
جو لامکان ھے تکیہ ، مکان بستر ھے
ھٹوں کہیں سے تو جیسے زماں سے ھٹ جاوں
یہ توڑ پھوڑ جو ھے یہ تو مشغلہ ھے مرا
دُعا کرو کہ مَیں سیؔارگاں سے ھٹ جاوں
کہاں سے پھر عمَل انگیز لے کے آؤ گے
اگر مَیں حُسن کے آتش فشاں سے ھٹ جاوں
مُجھے تھما نہ یہ سامان حرب رھنے دے
مَیں کل پرے نہ صفِ دوستاں سے ھٹ جاوں
اُٹھا یا جاتا نہیں فیض رائگانی کا
مَیں سوچتا ھُوں کہ اب رائگاں سے ھٹ جاوں
ضرور لوحِ ازل پر مری غذل لکھ لے
مُبادہ مَیں کبھی اپنے بیاں سے ھٹ جاوں
****** |