حمد

یہاں بھی ہے تو اور وہاں میرے مالک
ہر اک جا ہے تیرا نشاں میرے مالک

مجھے سیدھا رستہ دکھا دے خدایا
میں دیکھوں جدھر ، ہے دھواں میرے مالک

مری ہر تمنا کو تو جانتا ہے
مرے دل میں ہے جو نہاں میرے مالک

تو ادراک سے ماورا بھی ہے لیکن
ہر اک ذرّے میں بھی عیاں میرے مالک

رہے میری ہر سانس میں ذکر تیرا
بدن میں ہو جب تک یہ جاں میرے مالک

گناہوں کے زنداں سے آزاد کردے
کہ راحت ہے محوِ فغاں میرے مالک

 ڈاکٹر) راحت سلطانہ)

Kashana-e-Asar, 20-4-226/9, Chowk,
Hyderabad-500002 (A.P)
Mob: 9848176637 , Ph: 040-24560338
بشکریہ ’’غزالانِ حرم‘‘ مرتب: مشتاق دربھنگوی
……………………………………