BICHHARHNE SE BAHUT PAHLE,
BAHUT SE LOG MILTEY HAI'N,
NAYII SUBAHE'N TABASSUM AAFREE'N,
SHAAME SOKHAN GUSTAR,
HAWA KE NARM JHONKO'N SE,
SAMAA'AT MEI'N TARANNUM GHOLTEY LAMHE,
THAKAN SE CHOOR DIN KO THAP THAPATE HAI'N,
UJAALO'N KI HARI CHAADER PER KITNE PHOOL KHILTEY HAI'N,
ISI RABTE MOSALSAL MEI'N,
HAM AKSAR BHOOL JAATE HAI'N,
KE JIS SE ROZ MILTEY HAI'N,
USI NE LAUT KAR JAANA BHI HOTA HAI,
HAME'N KAB YAAD RAHTA HAI,
MAGAR PHIR BHI,
TASALSUL TOOT JAANE PAR,
MULAQATO'N KE BE TARTEEB SE LAMHE,
GUZARTI SA'ATO'N MEI'N RANG BHARTE HAI'N,
JO HAM SE ROOTH JAATE HAI'N,
UNHE'N HAM YAAD KARTE HAI'N,
BICHHARHNE SE BAHUT PAHLE,
BAHUT SE LOG MILTEY HAI'N.