حمد

کون ہے تیرے سوا اللہ میاں
تو ہے سب کا آسرا اللہ میاں

تو دکھائی تو نہیں دیتا مگر
سب میں ہے جلوہ نما اللہ میاں

تیری رحمت کے سبھی محتاج ہیں
مفلسِ شاہ و گدا اللہ میاں

زندہ رہنے کے لئے تونے دیا
آگ ، پانی اور ہوا اللہ میاں

در بہ در کی ٹھوکریں کھاتے ہیں ہم
راہِ حق پر تو چلا اللہ میاں

شکر تیرا ہم ادا کیسے کریں
ہے ترا سب کچھ دیا اللہ میاں

میں کہ اے رعنا بہت مغموم ہوں
بخش دے میری خطا اللہ میاں

رعنا تبسم

203, B/Wing, 2nd floor, Amtulla Majestic
Arab Lane, Mumbai-400008
Mob:9920044591 /  9819157774
بشکریہ ’’غزالانِ حرم‘‘ مرتب: مشتاق دربھنگوی
……………………………………