|
* Dil se tiri yaad ke naqsh udaa ke le gaya *
Dil se tiri yaad ke naqsh udaa ke le gaya
waqt miri zeest ke sar se rida le gaya
Jab koi rukhsat hua, jane kyun aisa laga
jaise meray jism se jaan chura ke le gaya
Wo koi khuddar tha yaa ke adakar tha
hans ke gham-e-zaat ka karb chhupa ke le gaya
Rah mein kyun ro daya, lutf-e-safar kho diya
dil se bharosa tira paon ke chhale le gaya
Yaariyan, dildaariyan, bhuli hui dastaan
koi mire shahr se rasm-e-wafa le gaya
Rashid-e-shurida sar, khud pe kabhi ek nazar
ghar se tire aaina kaun uthha ke le gaya |
|