GHAZAL
********
door tak sath sath chalte hain....
raat bhar karwatein badalte hain

sochna kis ko raas aaya hai......
dhoop se kab chiragh jalte hain

shayeri kya hai yun samajh leeje
mere lafzon mein aap dhalte hain

ujle mausam ka intazar karo......
pattharon ke bhi dil pighalte hain

dil mujahid hain khoon ke pyase
surkh roo-mal se bahelte hain....

apni duniya talash karte huye.....
tere kooche mein aa nikalte hain

muddaton pahle unko dekha tha
aur ham aaj tak machalte hain...

ashk bhi badguman parinde hain...
be-sabab ghar se kam nikalte hain

kainat itni mukhtasar kyun hai.........
kyun ye arman dilon mein palte hain

ham wafadar hain yaqeen kije....
aap ke naqsh e pa pa chalte hain
*******