نعت پاک

جب بھی ذکرِ رسول ہوتا ہے
رحمتوں کا نزول ہوتا ہے
ملتفت دل ہو گر نبیؐ کی طرف
پھر تو شعلہ بھی پھول ہوتا ہے

دل یادِ نبیؐ کا کلمہ ہو
اور لب پر بھی لاالٰہ ہو
ہوگی تکمیلِ آرزو فرحت
دل میں جب تیرے عشقِ مولیٰ ہو

غرقِ عشقِ رسولؐ ہوں بے شک
گو زمیں پر ملول ہوں بے شک
عرشِ اعلیٰ پہ نقش ہے جن کا
اُنؐ کے قدموں کی دھول ہوں بے شک

تونے توفیق دی مرے اللہ
نعتِ محبوبؐ کہہ سکی میں بھی
ہر طرف دھند ہے جہالت کی
اُس سے محفوظ رہ سکی میں بھی

رضیہ فرحت

H.No.115, Golmori, Muslim Basti
Jamshedpur (Jharkhand)
Mob: 9334895010 / 8271204077
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………