حمد

تو خالق و مالک ہے ، ہر ارض و سما تیرا
یہ چاند ستارے کیا ، ہے سارا جہاں تیرا

ذرّوں میں جہاں تری عظمت کی نشانی ہے
ہے میرے تصور کا ہر کون و مکاں تیرا

روشن ہے زمیں تیری انوار کے سجدوں سے
جھکتے ہیں جہاں سب سر ، وہ در ہے نشاں تیرا

پھولوں سے سجا گلشن ، خوشبو سے معطر ہے
یہ شاخِ گلِ تر کیا ، ہے باغِ جناں تیرا

یہ ملک و ملل کیا ہیں ، سب نعمتیں تیری ہیں
بندے ہیں سبھی تیرے ، ہر حکم یہاں تیرا

کرتے ہیں ثنا تیری انسان پرندے سب
کمزور زباں میری اور اُس پہ بیاں تیرا

اے میرے خدا جب میں کرتی ہوں تری مدحت
آنکھوں میں امڈ آتا ہے عشقِ نہاں تیرا

رضیہ پروین ابر

Imam Manzil, Sarai
Bhagalpur-812002 (Bihar)
Mob: 9470070320 / 9204520686
بشکریہ ’’غزالانِ حرم‘‘ مرتب: مشتاق دربھنگوی
……………………………………