غزل

کج ادا کو ادائیں سکھاتی رہی
میں ہتھیلی پہ سرسوں جماتی رہی

کیا خبر تھی نظر اُس سے لڑ جائے گی
دیکھ کر جس کو آنکھیں چراتی رہی

عمر بھر اُس نے آنے کی زحمت نہ کی
بے سبب اپنا گھر میں سجاتی رہی

میرے دل پر مرا زور چلتا نہ تھا
اتنا یاد آیا جتنا بھلاتی رہی

چاند آنگن میں میرے دمکتا رہا
میں بھری چاندنی میں نہاتی رہی

اُس کی بانہوں کا حلقہ سمٹتا گیا
پھول کایا مری کسمساتی رہی

دور تک کوئی مڑمڑ کے تکتا رہا
ہاتھ خانم میں چھت سے ہلاتی رہی

ریحانہ خانم

C/O- S.M.Hussain
(H.O.D. in Pharmacy)
Govt. Poly Technic
C.S.Pur,Bhubneshwar
(Orrisa)
Mob: 9556131217
بہ شکریہ جانِ غزل مرتب مشتاق دربھنگوی
+++