* ہے یوں تو دو جہاں پہ اجارہ رسولؐ کا *
نعت پاک
ہے یوں تو دو جہاں پہ اجارہ رسولؐ کا
ہوتا تھا بوریئے میں گزارا رسولؐ کا
اللہ کو بھی شوقِ ملاقات جب ہوا
پہنچا بلندیوں پہ ستارہ رسولؐ کا
اے کاش جاگ جائے ہمارا نصیب بھی
ہوجائے خواب ہی میں نظارا رسولؐ کا
اللہ کا کلام زبانِ رسولؐ سے
ہے ترجماں ہر ایک سپارہ رسولؐ کا
ریحانہ ہم تو زندہ ہیں بس اِس یقین پر
محشر میں ہوگا ساتھ ہمارا رسولؐ کا
ریحانہ نواب
35, Rabindra Sarani, (Golkothi)
Kolkata-700073
Mob: 9903429109
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………
|