غزل

اُس کو جہیز مانگ کے شرمندگی نہ تھی
چہرے پہ اُس کے اس لئے آشفتگی نہ تھی

اپنا ضمیر بیچ کے لوٹا تو ہے مگر
افسوس اُس کو پھر بھی تو افسردگی نہ تھی 

تم سے کیا ہے پیار تو ہوش و حواس میں
تھا عشق یہ مرا کوئی دیوانگی نہ تھی

افسوس تو ہوا مجھے تیرے سلوک پر
لیکن جفائوں پر تری حیرانگی نہ تھی

میری انا نے پائوں میں زنجیر ڈال دی 
حالانکہ تجھ سے کوئی بھی ناراضگی نہ تھی

پیاسوں کو مِل رہا ہے یہاں دھوپ کا سفر
دریا اُنہیں ملے ہیں جنہیں تشنگی نہ تھی

شبنم مجھے وہ کھوکے بھی نادم نہیں ہوا
لگتا ہے یہ اُسے کوئی دل بستگی نہ تھی

ریشماںطلعت شبنم

Manzil-e-Subhan
Ist Main 3rd Cross
Shahanshah Nagar, Kolar-563101
Mob: 9141499886
talatshabnam786@gmail.com
بہ شکریہ جانِ غزل مرتب مشتاق دربھنگوی
+++