* اے وطن اے زمیں *
اے وطن اے زمیں
شہ رگِ جاں مری
تم نے دیکھا نہیں
راستے بھی یہاں سب جدا ہو گئے
اور جو راہیں تھی خوں میں نہاں ہوگئیں
شہر ِجاں میں بسی ہر طرف خامشی
کچھ تو بولو امیں شہر ِآشوب کے
کیوں لہو سے بھی یہ آگ بجھتی نہیں ؟
کیوں دھماکوں سے بھی آنکھ کھلتی نہیں ؟
مٹ گئے خاک میں کیوں یہ چہرے جواں ؟
اشک آنکھوں کے کیوں کہہ رہے ہیں یہاں ؟
سب فنا ہو گئے
سب دھواں ہو گئے
اے وطن اے زمیں
شہ رگِ جاں مری
خامشی کا فسوں ٹوٹنا چاہئے
مسکراتے لبوں پر جو تالے لگے
ان ہی تالوں کو اب کھولنا چاہئے
بولنا چاہئے
بات اتنی سی ہے
موت گلیوں کی اب
روکنا چاہئے
ردا فاطمہ۔۔۔۔۔۔۔۔۔۔۔۔۔۔۔۔
|