لبوں کی تازگی کو میں
گلابوں کی کہوں صورت؟
لچکتی ڈال سی باہیں
کمر کو شاخ کی مانند
لچکتی بیل کی مانند
لکھوں تو کیوں۔۔۔۔۔۔۔۔۔۔۔
۔۔۔۔۔۔۔۔۔۔۔۔لکھوں ان پر؟
ان آنکھوں کو کہوں کیسے
میں مَے یا جام کی مانند
گھٹاوں کو کہوں کیوں زلف
کہوں کیوں رات کی مانند؟
ستارہ سی لگی آنکھیں
لگے کیوں چاند کی مانند
لکھوں تو کیوں۔۔۔۔۔۔۔۔۔۔۔۔۔۔
لکھوں  ان پر؟۔۔۔ 
فضائوں اور گھٹائوں کے
فلک کےچاند تاروں کے
اشاروں میں نیا کیا ھے
بہاروں میں نیا کیا ھے
فقط جینا یہاں پر ھے
نگرمیں بھی نیا کیا ھے؟
یہاں دیکھا ہے خابوں کو
بہت لٹتے ہوئے لوگو
یہاں دیکھا ھے اپنوں کو
لہو پیتے ہوئے لوگو
یہ آنکھوں کی ھےبس مستی
یہ لفظوں کی ھے بس شوخی
فریبوں  کی اس  بستی میں
نہیں رہنا ہے جب ممکن
تو کیسے میں۔۔۔۔۔۔۔۔۔۔۔۔
 ۔۔۔۔۔۔۔۔۔۔۔۔۔۔۔۔۔۔ لکھوں ان پر؟
 زمیں پے پھول اگتے ہیں
چمکتے ہیں افق پہ چاند
اور تارے بھی  گرتے ہیں
وہ چڑیا ہوں زمیں کی جو
فلک کو چھوکر آتی ھے
وہ بادل ہوں گھٹا بنکر
جو بارش سی برستی ھے
حقیقت کی ان آنکھوں پر
ابھی باندھی نہیں پٹی
میں جیتی ہوں اسی پل میں
جہاں  پیڑوں کےنیچے سے
زمیں تک چھین لی جائے
اگر لوگو ں کے بس میں ہو
بدن سے روح تک لے جائیں
 پلٹ کر میں اگر سوچوں
دکھوں سے ھے بھرا سینہ
مری پلکوں پہ ھیں آنسو
دلوں پہ ذخم کے باعث
تو کیسے میں ان اشکوں کو
لکھو ں پھر جام الفت کا
  تو کیسے لکھ دوں۔۔۔۔۔۔۔۔۔۔۔۔
میں تم کو
حسیں ہو تم بہت ہی اور
بہت ہی  خوبصورت ہو
جو من کے صاف ہوتے تم
گلے سے بھی لگاتے ہم
علامت استعارے کی
میں لفظوں میں پرودیتی
غزل تم پر بھی لکھ دیتی
مجھے لکھنا نہیں ھے جب
تو کیسے میں لکھوں لوگو
محبت جب نہیں ملتی
محبت کیوں لکھوں لوگو
 
ردا فاطمہ