کیا ترکِ تعلق  آسماں سے
تو پھر کیا واسطہ اپنے مکاں سے
 
اگر چہ  دشت میں  در در پھری تھی
ضروری تو نہیں جاتی بھی جاں سے
 
ستارہ ہی نہیں  آیا زمیں پر
 گلہ کیسے  کرہں پھر آسماں سے
 
تمھارے بعد پھر یادوں کی قیمت
ادا ہوتی رہی اشکِ  رواں سے
 
ہاں تم سے کر بھی لینگے ہمکلامی
زرا فرصت ملے ہم کو جہاں سے
 
مرے چہرے پے ریتی تھی خوشی جو
کوئی پوچھے کہاں ھے اب خزاں سے؟
 
ہوا کیسے اڑا لیتی ھے آنچل
نہ پوچھے کوئی میرے راز داں سے
 
سمندر کا کنارہ مل رہا ھے
کبھی  گزرے نہ کوئی اس گماں سے
 
رداؔ  کے ہاتھ آئیں لاکھ جگنو
اندھیرے جھانکتے ہیں  لا مکاں سے
 
 
ردا فاطمہ