حمد

جگنو ، چاند ، ستارے تیرے
ہیں خوش رنگ نظارے تیرے

دریا ، موج ، کنارے تیرے
نہروں میں ہیں دھارے تیرے

تو ہی نہاں ہے کون و مکاں میں
اوجِ فلک پر تارے تیرے

خطۂ ارض پہ کھیتی تیری
سبزہ ، صحرا سارے تیرے

تیرے نور سے روشن سب کچھ
غنچہ و گل ، انگارے تیرے

رنج و غم سب تیری عطا ہیں
خوشیوں کے گہوارے تیرے

عرش تا فرش ہے تیری قدرت
اندھیارے ، اُجیارے تیرے

 ڈاکٹر) رضوانہ بیگم ارم)

Head Dept. of Urdu, Women's College,
Jamshedpur (Jharkhand)
Mob: 9386535509
بشکریہ ’’غزالانِ حرم‘‘ مرتب: مشتاق دربھنگوی
……………………………………