Yahan kuchh  bhi  be  sabab  nahi     hota
yunhi   to   uska   ghazab     nahi       hota
 
mire shahr bhi bikte hain chand sikkon me
faislon   pe  asar  to  besabab nahi    hota
 
muntazir   hoon  k  wo  izhaar kare   lekin
kabhi   kuchh  bhi  aisa  ajab  nahi     hota
 
ieeza rasani  ki  hadd  guzar  bhi       gayi
sangdil  ab  bhi  raham  talab  nahi    hota
 
har  dam  jinko  maut  yaad   rahti       hai
unki   mehfil  me  aisho  tarab  nahi    hota
 
tumhari  buzargi   ko  kya   hua      rumman
kyon tujh pe kuchh munkashaf ab nahi hota