* Ek samundar ko bhi pyaasa daikha *
Ek samundar ko bhi pyaasa daikha
Chashm-e-hairaaN ne ye kya kya daikha
Jab koi Khwaab sunehra daikha
Subha-dam aur hi naqsha daikha
Aap ki chashm-e-enaayat daikhi
Aur phir raNg-e-zamaana daikha
Phir wahi chaahney waala daikha
Ya khuli aaNkh ne sapna daikha
Tairey ek waada-e-farda ki qasam
Zindagi bhar tera rasta daikha
Dar badar Khaak u.Daaney waalo
Ishq karnay ka nateeja daikha!!!
Aik do zaKhm to yaadoN k nahiN
Aik gulzaar mahekta daikha
Ai Saba apnay elaawa tu nay
Is chaman meiN kisey tanha daikha |