غزل

لباسِ مہر و محبت میں تو اُتار مجھے
رخِ زمانہ بدل جائے گا پکار مجھے

بہارِ حسن ، بہارِ حیات ہے مجھ سے
یہ کائنات بکھر جائے گی سنوار مجھے

معاملہ دلِ ناداں کا ہے چھپائوں کیا
کسی کی یاد اب آتی ہے بار بار مجھے

صمیمِ قلب سے یہ اعتراف کرتی ہوں
ہنوز دیتا ہے راحت کسی کا پیار مجھے

دیارِ مہر و وفا سے میں جب کبھی گزری
قدم قدم پہ ملے زخم بے شمار مجھے

ضمیر شان مرا پُرسکون تھا بے شک
بلا سبب کیا اُس نے ذلیل و خوار مجھے

صابرہ خاتون شان

Pappu Medical Hall
Hariganj Chowk
Katihar-854105 
(Bihar)
Mob: xxxxxxxxxx
بہ شکریہ جانِ غزل مرتب مشتاق دربھنگوی
+++