* Har koii ik doosre se dur hai *
Har koii ik doosre se dur hai
Us ki basti ka yahi dastoor hai
Laut kar dariya se peyase aaye thhe
Aaj woh bhi waqia mashhoor hai
Baat karna bhi jise aata nahi'n
Shahar bhar me'n ik wahi maghroor hai
Lams pakar aur jayega nikhar
Jism woh khushbu se mamoor hai
Dayero'n me'n waqt ki uljha hua
Aaj raushan muddaii majboor hai
P.O. Box. No. 21538, Safat, 13076 Kuwait (A.G)
|