Kanch ki choori jab se dar ki
Qadar huyee hai sab ko zar ki

Seyachin, kargil apna chaghi
Hamne har ik choti sar ki

Jab se tum ko dekha socha
Chashme tamanna phir se tar ki

Meri guddi sab se oonchi
Kisne urhaii ye be par ki

Aaludah hai har ik rasta
Chadar orho dohre bar ki

"Saadia" us tanqeed ka hasil
Amezish ho jis me'n shar ki

Sadia Raushan Siddiqi
C/o Mohd Raushan Siddiqi,
P.O. Box No. 26555,
Abu Dhabi (U.A.E.)
Ph. 009712-338183