غزل

توبہ توبہ کیسی گھڑی ہے
سب کو اپنی اپنی پڑی ہے

ہجر کی رات آئی تو جانا
شب یہ قیامت سے بھی بڑی ہے

کون یہاں فریاد سنے گا
کاسہ بکف دنیا ہی کھڑی ہے

دکھ کی رُت میں رونے والو!
دکھ بھی جیون کی ہی کڑی ہے

میرے جیون کے آنچل میں
آشائوں کی لیس جڑی ہے

ہرسو چراغاں کرتی رہوں گی
آندھی اگرچہ ضد پہ اڑی ہے

ہاتھ نہ آیا ساحل تو کیا
سعدیہ طوفانوں سے لڑی ہے

سعدیہ صدف

67, Maulana
Shaukat Ali Street (Colootola St.)
Kolkata-700073
Mob: 9830616464
بہ شکریہ جانِ غزل مرتب مشتاق دربھنگوی
+++