Ye haqeeqat hai ki hota hai asar baatoN meiN 
tum bhii khul jaaoge do-chaar mulaaqaatoN meiN.

tum se sadiyoN kii wafaaoN kaa koyi naataa tha 
tum se milne kii lakeereN thii mere haathoN meiN. 

tere vaadoN ne humeN ghar se nikalne na diya
log mausam ka mazaa le gaye barsaatoN meiN.

ab na sooraj na sitaare na shamaa aur na chaaNd 
apne zakhmoN ka ujaalaa hai ghanii raatoN meiN.