|
* Lab pe paabandii nahii.n ehasaas pe paharaa to hai, *
Lab pe paabandii nahii.n ehasaas pe paharaa to hai,
phir bhii ahal-e-dil ko ahavaal-e-bashar kahanaa to hai,
[paabandii = restriction; paharaa = guard]
[ahavaal-e-bashar = condition of man]
apanii Ghairat bech Daale.n apanaa masalaq chho.D de.n,
rah_numaao.n me.n bhii kuchh logo.n ko ye manshaa to hai,
[Ghairat = self-respect; masalaq = beliefs/opinions]
[rah_numaa = guides(those who show the path)]
[manshaa = intention]
hai jinhe.n sab se zyaadaa daavaa-e-hubb-e-vatan,
aaj un kii vajah se hubb-e-vatan rusavaa to hai,
[daavaa = claim; hubb-e-vatan = love for one’s country/patriotism]
bujh rahe hai.n ek ek kar ke aqiido.n ke diye,
is andhere kaa bhii lekin saamanaa karanaa to hai,
[aqiidaa = fundamental doctrine of faith/belief]
jhuuTh kyuu.N bole.n faroG-e-maslahat ke naam par,
zindagii pyaarii sahii lekin hame.n maranaa to hai,
[maslahat = advisibility]
|
|